આમમિલાવશો ના નજરથી નજર તમને પ્રેમ થઇ જશે,
ઇરાદો ના પણ હોય જો એવો, તો પણ એવો વહેમ થઇ જશે.
પ્રેમમાં છુપાવેલા કાંટા દેખાતા નથી કોઇ દી',
નહીં કરો પ્રેમ તો ખુદ પર એક રહેમ થઇ જશે.
ચાલી તો નીકળ્યા છો પ્રેમના પંથે આજ સંગાથમાં,
વધારે આગળ ના વધશો,
કાલે પાછા આવવું એકલાને મુશ્કેલ થઇ જશે.
સાચવીને રાખ્યું હશે જે કાળજું વર્ષોથી આજ સુધી,
એક પળમાં વેરવિખેર થઇ જશે.
સમણાં જોઇ રહ્યા છો ને સ્વર્ગના પ્રેમમાં,
એટલું યાદ રાખજો જીવતે જીવ તમને નરકની સેર કરાવશે.
બંધ થશે દેખાતું દુનિયાની બહારનું તમને,
દુનિયાથી આખી તમને વેર થઇ જશે.
જોયો નહીં હોય જે તમાશો આખી જિંદગીમાં તમે,
તમારી ખુદની જિંદગીનો એવો ખેલ થઇ જશે.
કહે છે, કોઇ દી પ્રેમમાં પડતાં નહીં મિત્રો,
વિચાર, વાણી અને હૃદય બધું નકામું થઇ જશે.
- કુશલ દેવરૂખકર, અમદાવાદ
No comments:
Post a Comment