ઊઠતાં રહ્યાં
દિલમાંસતત અરમાન ઊઠતાં રહ્યાં,
સમંદરમાં જાણે તૂફાન ઊઠતાં રહ્યાં.
જીવનમાં સાચા પ્રેમને પામવા,
સ્વપ્નમાં અજાણ્યાં વદન ઊઠતાં રહ્યાં.
કોણ ટકોરા મારી ગયું દિલના દ્વારે,
હૃદયમાં સેંકડો ઉમંગ ઊઠતાં રહ્યાં.
ભવસાગરમાં જીવનનાવ તો ચાલતી રહી,
શાંત જીવનમાં વેદનાના તરંગ ઊઠતાં રહ્યાં.
ભલે સાથ આપનો આજ મુજને નથી,
આપણી મુલાકાતના પ્રસંગ ઉડતાં રહ્યાં.
લાગણીના આવેશમાં તમને ખૂબ ચાહ્યાં,
બંધ આંખોની પાંપણો પર રૂદન ઊઠતાં રહ્યાં.
- ભરત ભટ્ટ, મુંબઇ
No comments:
Post a Comment