આપી આપીને તમે પીંછુ આપો સજન!
પાંખો આપો તો અમે આવીએ...
ચાંદો નીચોવી અમે વાટકો ભર્યો ને એને
મોગરાની કળી હલાવ્યા
આટલા ઉઝરડાને શમણું ઓઢાડી અમે
ઊંબરની કોર લાગી લાવ્યાં
આપી આપીને તમે ટેકો આપો સજન!
નાતો આપો તો અમે આવીએ.........
કાગળમાં કાળઝાળ રેતી વિંઝાય અને
લેખણમાં છોડી છે લૂ
આંગળિયું ઓગળીને અટકળ થઈ જાય અમે
લખીએ તો લખીએ પણ શું ?
આપી આપીને તમે આંસુ આપો સજન!
આંખો આપો તો અમે આવીએ......
-------- વિનોદ જોશીનું
No comments:
Post a Comment