તમે

કોનીયાદમાં ખોવાયાં છો તમે, 

શું પ્રેમની માળામાં પરોવાયાં છો તમે? 

હાજર છો અહીં તોય હાજર નથી તમે, 

શું ગમના સમંદરમાં ડૂબ્યાં છો તમે? 

જોઉં છું એકીટસે આભમાં ગાંડો બની, 

શું ચાંદમાં પણ સમાયાં છો તમે? 

જતાં રહ્યાં છો છોડી મને પરાયો સમજી, 

શું પોતાના-પરાયામાં ફસાયાં છો તમે? 

આવવું છે તમારે પાછા મારી દિલનગરીમાં, 

શું પોતે શરમમાં મુકાયાં છો તમે? 

સુંદર છો તમે તન-મનથી જાણું છું હું, 

એટલે મારી ગઝલમાં હરદમ રચાયાં છો તમે. 

 -   ભરત કાપડિયા, અમદાવાદ