મનેજરૂર છે

મનેજરૂર છે 

નહીંકહેલા તારા શબ્દોની, હા, મને જરૂર છે, 

જીવનના દરેક શ્વાસે તારી, હા, મને જરૂર છે.

કલ્પનાના સાગરમાં ડૂબી મોતી જ્યારે હું લાવું,

મોતીના કદરદાન તારી, હા, મને જરૂર છે.

અધવચ્ચે અટવાઉં જ્યારે હું જીવનની મઝધારમાં,

આશાનું કિરણ બનીને તારી, હા, મને જરૂર છે.

ઘણીબધી ખામીઓ ને અધૂરપ છે મુજમાં,

પામવાને પૂર્ણતા મારે, હા, તારી જરૂર છે.

-હાર્દિકપંડ્યા, ભાવનગર

source

દીવો કરજો

આભથી પરબારું આવ્યું દીવો કરજો 

લ્યો ગાઢું અંધારું આવ્યું દીવો કરજો 

પીડા જેવું ઝાંખુ ધુમ્મસ ફેલાયું છે 

આવ્યું તો અણધારું આવ્યું દીવો કરજો. 

ભીંતોને ભેટીને ઊભા છે પડછાયાઓ 

કોણ અહીં નોંધારું આવ્યું દીવો કરજો. 

આખો'દી પગ વાળી બેઠું જે આંખોમાં 

સૂરજ ડૂબ્યે બારું આવ્યું દીવો કરજો. 

શબ્દો ચગળીને ઊડતું મૌનનું પંખી 

લ્યો પાછું ઘરબારું આવ્યું દીવો કરજો. 

- જ્યોતિ હિરાણી 

source

દરેકવખતે અમારી હાર કેમ?

કેમ? 

દરેકવખતે અમારી હાર કેમ? 

જખ્મોનો આવો ઉપહાર કેમ?
મારે દુનિયા બેવફાઇની કટાર અમારા દિલમાં,
તોય ખુદા તું એમના પ્રત્યે ઉદાર કેમ?
દગાબાજોને બક્ષે ફૂલોની માળા તું,
ને અમને મળે કંટકોનો હાર કેમ?
અમારા ભાગે આવે અમાસની રાત,
બેવફાને સોનાની સવાર કેમ?
બંદગી અમે કરીએ તારી દિલોજાનથી,
તોય મુશ્કેલીઓનો અંબાર કેમ?
સરખા સમજે છે તું તારા દરેક બંદાને,
તો તારો આવો ન્યાય પરવરદિગાર કેમ?
- રાકેશસોલંકી, અમદાવાદ

source

ઉઠાવીલે

હેખુદા હવે તો તું પડદા ઉઠાવી લે, 

કાં મને ઉઠાવી લે, કાં બંધન ઉઠાવી લે. 

હોય સ્વાર્થ જિંદગીના દરેક સંબંધમાં તો, 

કાં ઉદર ઉઠાવી લે, કાં નયન ઉઠાવી લે. 

હોય દુ:ખદ અંજામ જો પ્રણયનો તો, 

કાં શમા ઉઠાવી લે, કાં પરવાના ઉઠાવી લે. 

આપી દે વસંત બેસુમાર હવે તો મને તું, 

કાં દમનો ઉઠાવી લે, કાં ચમન ઉઠાવી લે. 

છે હયાત તારી ખુદાઇ તો તું ચમત્કાર કર, 

કાં ભજન ઉઠાવી લે, કાં નમન ઉઠાવી લે. 

નથી જીવવી એકલતાની જિંદગી, 

કાં કફન ઉઠાવી લે, કાં જીવન ઉઠાવી લે. 

- દિલીપ ખાચર, ખાંભડા(બરવાળા) 

SOURCE

ઊગતોસૂરજ પણ આથમશે,

ઊગતોસૂરજ પણ આથમશે, 

દિવસ ક્યાં અહીં કાયમ છે?

ભરતી ને ઓઠ આવ્યા કરે,

કિનારા ક્યાં કાયમ ભીના છે?

ક્ષિતિજમાં તો એક લાગે,

ધરતી ને આભ ક્યાં એક અહીં છે?

ઊંચું જોનારને ઠોકર વાગે,

સરળ જીવવાની મજા અહીં છે.

મળતો નથી જે મંદિર કે મસ્જિદમાં,

ઇશ્વર-અલ્લાહની ખોજ અહીં છે.

- દર્શન પંડ્યા, ફરિયાદકા(ભાવનગર)

SOURCE

આવેયાદ તારી ને આંખો બને રંગીન

આવેયાદ તારી ને આંખો બને રંગીન, 

ટપકે એમાંથી ઝાકળ, એમ પણ બને. 

લાગે દાવાનળ ને જાય પતંગિયું કોઇ ભેટવા, 

મળે અેની રાખ, અેમ પણ બને. 

ઉઘડે ફૂલ ને જાય પતંગિયું કોઇ ભેટવા, 

ચૂભે એના કંટક, એમ પણ બને. 

જુએ ઊર્મિલ સ્વપ્ન ને ઊઘડે એની મુઠ્ઠી, 

મળે તેમાં રાખ, એમ પણ બને. 

- ઊર્મિલાબા ગોહિલ, સોનાગઢ

SOURCE