Kavita to Poems

બંધઆંખે એક સપનું જોયું,

બંધ બારણે તેને જતું જોયું.

આંખ ઉઘડી તો હતી સવાર,

નિરાશ મનને ખુલી આંખે તરતું જોયું.

ઉઘડતા સવારમાં નીંદર નહોતી,

પણ ઉઘડતા સવારમાં સપનું હતું.

એક રાત વીતી ને એક સપનું પૂરું,

એક સવાર પડી ને તેેને જતું જોયું.

ઉઘાડ-બંધ થતી જિંદગીમાં જતાં સપનાં,

આશા બાંધીને મનને હસાવતા સપનાં.

ઘડીવારમાં કેવું જતું જોયું?

બંધ આંખે એક સપનું જોયું.

નિરાશ મનને હસતું જોયું,

દરિયાના મોજાં વચ્ચે તેને ઉછળતું જોયું.

- અશ્વિનરાઠોડ, વનાલિયા(મોરબી)

નહીંકહેલા તારા શબ્દોની, હા, મને જરૂર છે,

જીવનના દરેક શ્વાસે તારી, હા, મને જરૂર છે.

કલ્પનાના સાગરમાં ડૂબી મોતી જ્યારે હું લાવું,

મોતીના કદરદાન તારી, હા, મને જરૂર છે.

અધવચ્ચે અટવાઉં જ્યારે હું જીવનની મઝધારમાં,

આશાનું કિરણ બનીને તારી, હા, મને જરૂર છે.

ઘણીબધી ખામીઓ ને અધૂરપ છે મુજમાં,

પામવાને પૂર્ણતા મારે, હા, તારી જરૂર છે.

-હાર્દિકપંડ્યા, ભાવનગર

આભથી પરબારું આવ્યું દીવો કરજો

લ્યો ગાઢું અંધારું આવ્યું દીવો કરજો

પીડા જેવું ઝાંખુ ધુમ્મસ ફેલાયું છે

આવ્યું તો અણધારું આવ્યું દીવો કરજો.

ભીંતોને ભેટીને ઊભા છે પડછાયાઓ

કોણ અહીં નોંધારું આવ્યું દીવો કરજો.

આખો'દી પગ વાળી બેઠું જે આંખોમાં

સૂરજ ડૂબ્યે બારું આવ્યું દીવો કરજો.

શબ્દો ચગળીને ઊડતું મૌનનું પંખી

લ્યો પાછું ઘરબારું આવ્યું દીવો કરજો.

- જ્યોતિ હિરાણી