ફૂલ બની મહેકવાના કોડ.

ફૂલ બની મહેકવાના કોડ.

ભ્રૂણરૂપે પડ્યો છું માનાં ઉદરમાં, 

મને માનવ થઇ અવતરવાના કોડ. 

પા.. પા.. પગલી ચાલું છું આજે, 

મને વામન ડગ ભરવાના કોડ. 

ઇંડા રૂપે માળામાં રહું છું, 

ખગ બની ગગનમાં વિહરવાના કોડ. 

બૂંદરૂપે સમાયો છું વાદળમાં, 

મેઘ બની મૂશળધાર વરસવાના કોડ. 

કળી રૂપે આજે સમેટાયો છું, 

ફૂલ બની મહેકવાના કોડ. 

બીજરૂપે ભૂમિમાં દટાયો છું, 

તરુ બની મહોરવાના કોડ. 

                                                        -વાસંતિકા પરીખ, વડોદરા

Source Link

રમ્ય પ્રભાતે

રમ્ય પ્રભાતે 

પંખીનાકલરવ સાથે અંધારું આછરતું જાતું રમ્ય પ્રભાતે, 

મંદિરમાં ધડધડ નગારા ઝાલર સાથે વાગે રે રમ્ય પ્રભાતે. 

ઘાસ પર ઝાકળની નથડી રમ્ય પ્રભાતે, 

પંખીના ઉર કલરવનો હાર રમ્ય પ્રભાતે. 

ખેડૂઓ ઢાંઢાને જોતરે સ્વપ્ન ચિતરવા રમ્ય પ્રભાતે, 

નારીઓ ઝબકીને જાગે દહીંડા વલોવવા રમ્ય પ્રભાતે. 

ઢોરના ધણ છોડે ગોવાળિયાં રમ્ય પ્રભાતે, 

પનિહારી પિયુને સાકરે રમ્ય પ્રભાતે. 

ઠંડીનાં સુસવાટા સાથે સૌની દાઢી ડગડગ ડગડગ રમ્ય પ્રભાતે, 

આભમાં ઊડતાં પંખીઓ કલબલ કલબલ રમ્ય પ્રભાતે. 

                                                                          -નયન બોથરા, શેલણા(અમરેલી) 

FRIEND GIVE YOU COMMENT 

KEEP VISITING :)

Source Link

દરવાજા